ಶಿಕ್ಷಕರ ದಿನಾಚರಣೆ: ದಕ್ಷಿಣ ಕನ್ನಡದ 21 ಶಿಕ್ಷಕರಿಗೆ ಜಿಲ್ಲಾ ಮಟ್ಟದ ಉತ್ತಮ ಶಿಕ್ಷಕ ಪ್ರಶಸ್ತಿ

ಮಂಗಳೂರು: ಶಿಕ್ಷಕರ ದಿನಾಚರಣೆಯ ಅಂಗವಾಗಿ ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಶಿಕ್ಷಣ ಕ್ಷೇತ್ರದಲ್ಲಿ ಗಮನಾರ್ಹ ಸೇವೆ ಸಲ್ಲಿಸಿದ 21 ಶಿಕ್ಷಕರನ್ನು ಜಿಲ್ಲಾ ಮಟ್ಟದ ಉತ್ತಮ ಶಿಕ್ಷಕ ಪ್ರಶಸ್ತಿಗೆ ಆಯ್ಕೆ ಮಾಡಲಾಗಿದೆ.  ಕಿರಿಯ ಪ್ರಾಥಮಿಕ, ಹಿರಿಯ ಪ್ರಾಥಮಿಕ ಹಾಗೂ ಪ್ರೌಢಶಾಲಾ ವಿಭಾಗಗಳಿಂದ ಶಿಕ್ಷಕರನ್ನು ಆಯ್ಕೆ ಮಾಡಲಾಗಿದೆ.

ಜಿಲ್ಲೆಯ ವಿವಿಧ ತಾಲೂಕು ಹಾಗೂ ಶೈಕ್ಷಣಿಕ ವಲಯಗಳಿಂದ ಶಿಕ್ಷಕರನ್ನು ಪ್ರಶಸ್ತಿಗೆ ಪರಿಗಣಿಸಲಾಗಿದ್ದು, ಶಿಕ್ಷಕರ ದಿನವಾದ ಸೆಪ್ಟೆಂಬರ್ 5ರಂದು  ಪ್ರಶಸ್ತಿ ಪ್ರದಾನ ನಡೆಯಲಿದೆ.

ಪ್ರಶಸ್ತಿ ಪುರಸ್ಕೃತರ ಪಟ್ಟಿ

ಕಿರಿಯ ಪ್ರಾಥಮಿಕ ವಿಭಾಗ

* ದಾಮೋದರ — ಸೇರ್ಕಳ ಶಾಲೆ, ಬಂಟ್ವಾಳ

* ಚಿತ್ರಪ್ರಭಾ — ಮುಂಡ್ರುಪಾಡಿ ಶಾಲೆ, ಬೆಳ್ತಂಗಡಿ

* ಉಮಾಲಕ್ಷ್ಮಿ — ಸ್ಯಾಂಡ್‌ಪೀಟ್ ಶಾಲೆ, ಮಂಗಳೂರು ಉತ್ತರ

* ಪ್ಲೇವಿ ಜೆಸಿಂತಾ ಮಿರಾಂದ — ಬದ್ರಿಯಾನಗರ ಶಾಲೆ, ಮಂಗಳೂರು ದಕ್ಷಿಣ

* ಶ್ರೀವಾಣಿ — ಪೆಂಜಾರಿನ ಶಾಲೆ, ಮೂಡುಬಿದಿರೆ

* ಮಾಲತಿ — ಹೊಸ್ತೋಟ ಶಾಲೆ, ಪುತ್ತೂರು

* ಯಶೋಧರ ಕೆ. — ಪಾಂಡಿಗದ್ದೆ ಶಾಲೆ, ಸುಳ್ಯ

ಹಿರಿಯ ಪ್ರಾಥಮಿಕ ವಿಭಾಗ

* ವಿದ್ಯಾಶಂಕರ್ ಡಿ. — ವಿಟ್ಲ PM SHRI ಶಾಲೆ, ಬಂಟ್ವಾಳ

* ಕೃಷ್ಣಪ್ಪ ಪೂಜಾರಿ — ಅಂಡೆತಡ್ಕ ಶಾಲೆ, ಬೆಳ್ತಂಗಡಿ

* ಇಂದಿರಾ ಎಸ್. — ಕಾಟಿಪಳ್ಳ ಶಾಲೆ, ಮಂಗಳೂರು ಉತ್ತರ

* ಹರೀಶ್ ಕುಮಾರ್ ಬಿ.ಎಂ. — ಉಚ್ಚಿಲಗುಡ್ಡೆ ಶಾಲೆ, ಮಂಗಳೂರು ದಕ್ಷಿಣ

* ಸುಕುಮಾ — ಮೂಡುಬಿದಿರೆ

* ಮರಿಯಾ — ಪುತ್ತೂರು

* ಭುವನೇಶ್ವರಿ ಕೆ. — ಸಾಮೆತ್ತಡ್ಕ ಶಾಲೆ, ಪುತ್ತೂರು

ಪ್ರೌಢಶಾಲಾ ವಿಭಾಗ

* ವಿಜಯಲಕ್ಷ್ಮೀ — ಮಂಚಿ ಕೊಳ್ನಾಡು ಸರ್ಕಾರಿ ಪ್ರೌಢಶಾಲೆ, ಬಂಟ್ವಾಳ

* ರವೀಂದ್ರ ಕೆ. — ವೇಣೂರು ಪ್ರೌಢಶಾಲೆ, ಬೆಳ್ತಂಗಡಿ

* ಪ್ರವೀಣ್ ಕುಟಿನ್ಹೋ — ಸಂತ ಅಲೋಶಿಯಸ್ ಪ್ರೌಢಶಾಲಾ ವಿಭಾಗ, ಮಂಗಳೂರು ಉತ್ತರ

* ಕಿಶೋರ್ — ಮುಚ್ಚೂರು ಪ್ರೌಢಶಾಲೆ, ಮಂಗಳೂರು ದಕ್ಷಿಣ

* ಜಾನ್ ರೊನಾಲ್ಡ್ ಡಿಸೋಜ — ಮೂಡುಮಾರ್ನಾಡು ಸರ್ಕಾರಿ ಪ್ರೌಢಶಾಲೆ, ಮೂಡುಬಿದಿರೆ

* ಥಾಮಸ್ ಎಂ.ಐ. — ನೆಲ್ಯಾಡಿ ಸಂತ ಜಾರ್ಜ್ ಪ್ರೌಢಶಾಲೆ, ಪುತ್ತೂರು

* ಕಿಶೋರ್ ಕುಮಾರ್ — ಸರ್ಕಾರಿ ಪ್ರೌಢಶಾಲೆ, ಸುಳ್ಯ

ಶಿಕ್ಷಕರ ಶೈಕ್ಷಣಿಕ ಸೇವೆ, ವಿದ್ಯಾರ್ಥಿಗಳ ಕಲಿಕೆಗೆ ನೀಡಿದ ಕೊಡುಗೆ ಹಾಗೂ ಶಾಲಾ ಶಿಕ್ಷಣದ ಗುಣಮಟ್ಟ ಸುಧಾರಣೆಯಲ್ಲಿ ವಹಿಸಿರುವ ಪಾತ್ರವನ್ನು ಪರಿಗಣಿಸಿ ಈ ಆಯ್ಕೆ ಮಾಡಲಾಗಿದೆ.

ಇದೇ ವೇಳೆ, ದಕ್ಷಿಣ ಕನ್ನಡ ಜಿಲ್ಲೆಯ ರೋಷನ್ ಅಲೆಕ್ಸಾಂಡರ್ ಪಿಂಟೋ ಅವರು ಕರ್ನಾಟಕ ರಾಜ್ಯಮಟ್ಟದ ಉತ್ತಮ ಶಿಕ್ಷಕ ಪ್ರಶಸ್ತಿಗೂ ಆಯ್ಕೆಯಾಗಿರುವುದು ಜಿಲ್ಲೆಯ ಶಿಕ್ಷಕರಿಗೆ ಮತ್ತೊಂದು ಹೆಮ್ಮೆಯ ಸಂಗತಿಯಾಗಿದೆ.

ಶಿಕ್ಷಕರ ದಿನಾಚರಣೆಯ ಸಂದರ್ಭದಲ್ಲಿ ಜಿಲ್ಲೆಯ 21 ಶಿಕ್ಷಕರಿಗೆ ದೊರೆಯುತ್ತಿರುವ ಈ ಗೌರವವು ಶಿಕ್ಷಣ ಕ್ಷೇತ್ರದಲ್ಲಿ ಸೇವೆ ಸಲ್ಲಿಸುತ್ತಿರುವ ಶಿಕ್ಷಕರಿಗೆ ಮತ್ತಷ್ಟು ಪ್ರೋತ್ಸಾಹ ನೀಡಲಿದೆ.